sabah loen peutroih ateuh syedara
ka sabee neu jak saweu loen po acara
kali nyou saja han loen pakat gata uron hadiah sa
saweub hayeu that drou bak neu jaga Basa
lagee biasa tugaih teutap na
adak loen teupeu kon hadiah neu mita
neu tunang saja so saja nyang buka
meubalai-balaih beu panyang teuma
adak uloen tuwan hana lee hareuta
tapi kawom syedara sabe geu tulong sigra
upvote atawa resteem nyang mana saja
maken jai nyang baca ramee seureuta
Alhamdulillah lon pujoe rabbi
Ateuh raseuki meulalui hamba
Hate lon seunang hana pakri
Adak kon juri acara gata
#pehtem kalinyoe ta harap tari
Beu dua kali dari baroesa
Masalah tunang hana pue sangsi
Lam tiep-tiep rawi lon sampoh saja
aneuk lheuk kutrue ji dong meuriti
ateuh bak panjoe bineh blang jaroe
adak konteh nyou hana so juri
teutap ta kaloen nyang bacut pujoe
saweub pujoe hak Allah ta'ala
tanyou hamba ta tueng karunia
adak steemit kon donya nyata
suwah ta atoe bek that meudoda