စစ်ဘေးဒုက္ခ နေဝင်ချိန် အတူကြည့်ကြရအောင်

မင်္ဂလာပါ။

သောက အမောတွေကို မြင်ရ ကြားရ ခံစားနေလျှင်တော့ ဘဝက နေပျော်မည် မဟုတ်ပေ။
ကိုယ့်နေရာလေး ကွက်အေးနေတာနဲ့ နွေဟာ မပူတော့ဘူးဟုတော့ မထင်ပါ။
ကိုယ်ချင်းစာစိတ် ဆိုတာ ကိုယ်တိုင် ခံစားဖူးမှ ဖြစ်ပေါ်လာတတ်သလား။
သူများတွေ ခံစားနေရတာကို သိမြင်ခြင်းမှရော ကိုယ်ချင်းစာစိတ် ဖြစ်ပေါ်တတ်မလား။
ကိုယ်ရော သူလို ဖြစ်လျှင်ဖြင့် ဆိုတဲ့ အတွေးဖြင့် ကိုယ်ချင်းစာတတ်ကြမလား။

စစ်ဘေးဒုက္ခ
ကိုယ်တိုင်တော့ စစ်ခွေးတွေ၏ ဘေးရန်မှ အသက်ရှင်သန်နေရအောင် ပြေးခဲ့ဖူးတယ်။
ကိုယ့်မွေးရပ်မြေ ရွာက ဆွေမျိုးတွေ၏ အိမ်တွေလည်း မီးရှို့ခံရဖူးတယ်။
ကိုယ့် ကျောင်းနေဘက်ငယ်သူငယ်ချင်းအချို့လည်း စစ်ဘေးကြောင့် အသက်ဆုံးရှုံးခဲ့ရတယ်။
ခု ကိုယ်ကတော့ စစ်ဘေး လွတ်ရာ နေထိုင်နေမိတယ်။

ကိုယ်တိုင်က အတိုက်အခိုက်ဘက် အားမသန်တော့ စစ်ထဲ ဝင်ဖို့ စိတ်ကူးလို့မရဘူး။
ခုတော့ စစ်ထဲ မဝင်ချင်သူတွေကိုလည်း စစ်ထဲ ဆွဲသွင်းခံနေရတယ်။
စစ်ဘေးဒုက္ခက အလွန်ဆိုးဝါးပါတယ်လေ။

ဒီ စစ်ပွဲကြီး ပြီးပါစေ ဆိုတာထက် အကြမ်းဖက်စစ်အာဏာရှင် အမြန်ဆုံးကျဆုံးမှ ဖြစ်မှာပါ။
စစ်အာဏာရှင်စနစ် ကျဆုံးမှ မြန်မာပြည်သူတွေ ငြိမ်းချမ်းစွာ နေနိုင်မှာပါ။
ကျွန်တော်တို့တွေ အကြမ်းဖက်စစ်တပ်ကို တိုက်ထုတ်တဲ့ PDF ထဲ မဝင်နိုင်လျှင်သော်မှ အသက်ပေးကာ ဆန့်ကျင်တော်လှန်နေသူတွေကို နောက်ကွယ်က ထောက်ပံ့ကြရပါမယ်။

စစ်အာဏာရှင်၏ နေဝင်ချိန်က ရောက်နေပါပြီလေ။
နေဝင်ချိန်ကို ကြည့်ရှုခံစားရတာ သာယာတယ် မဟုတ်လား။
လာပါ ကျွန်တော်တို့ အတူ ကြည့်ကြရအောင်ပါ။

@golden.future