E better say u no get friend! Mke "Friendly enemy" no fall on you

Winner ooo, winner! Winner ooo, winner! Ogoo is a winner, winner.. Abeg no mind me, na so I dy hail my own.. U too much o jare, nothing do you. Dobalé for ds beta contest wy we see so.
Omo ds world na wicked world o, infact as u see me so. I no fit beat chest trust any human rice again evn ma le or pa le. Ds tori wy I wan yarn na true sometin o no b say I dy cook am
E get one special place for inside hell fire for all ds kin pipl wy we dy call friendly enemies. Chai, esha bobo!!
One of my tight paddies dt year, she wan do her final yr project, she no get one naira, she no get any big unkle wy go dy give am moni, she no get accomodation join.. Her problems big pass my belle sef. Na so dy big reach o! From my church mind, I gree mke she stay 4 my domot. D tin be say, ds my babe, I bn love am scarra, AS u see me so, I fit catch bomb for am sef, no be wash. She tell me mke I borrow am money for her project wahala. Every tin she ask me, I do am like mumu wich I be.. I no knw say my villagers dy use my brain drink akamu.
As she bn dy stay for my house, e dy do me like say some of my belongings dy miss small small but I close eye cos I think say my babe no be thief. She stay long for my domot o, finish defence evrytin come comot for my house. Months pass oo, I begin call ds my babe for money wy she borrow, everytym tori tori. Soteee she stop to dy pick my call, I go dy call call, no answer.. Na im I taya to call. Till today, she neva pay me dt moni o
SEE THE PART WY BURST MY BRAIN SCARRA
Yesterday, I see her pishure for facebuk, she don marry one big malaysia oga, meanwhile she neva pay me my moni.. D tin wy funny die for d pishure be say I look her leg, notice say na my old okrika shoe she carry for leg.. Tueh!!! Ole buruku..