ATJEH SELATAN

image

Jinoe lon kisah atjeh selatan
Tapak tuan geuboh nan kota
Leupah that cidah alam disinan
Ngon peumandangan laot hindia

Keunoe hai rakan tapiyoh siat
Taduek meusapat bak jamboe hatta
Nyoe kon hukom nyoe kon adat
Mungkin tabi'at jeut keubeasa

Tapak Tuan peugawee keumawee Gunong keulambee jalan meulengkok Samadua ramee meuhambong Dama tutong ureung ceumatok

Batee tunggai galak seumeulhoh
di Lhok pawoh candu piep patok
Ujoeng Kareung maju pubrok u
Di alue paku sabe na krek-krok

Keunoe hai rakan tapiyoh siat
Taduek meusapat bak jamboe hatta
Nyoe kon hukom nyoe kon adat
Mungkin tabi'at jeut keubeasa

Nabsu keumalem jak Laboh Haji
Nabsu keucampli u Kuta Faja
Nabsu mita peng jak u Blang Pidie
Nabsu meutani u Gunang Jaya

Keudee Kandang peukan tan maju
Kuala Bak u jalan kamate
Kota Menggamat jinoe ka masyhu
Moto ka'a'u na jijak sabee

Beubekna beungeh wahe e rakan
Beujeut hiboran panton lagu nyoe
Lon lakee meu'ah dum seukalian
Roh meuboh sajan gampong geutanyoe